Алматыда Ішкі істер министрлігі (ІІМ) және Ұлттық қауіпсіздік комитеті (ҰҚК) дәрі-дәрмектерді контрабандалық жолмен әкелумен және заңсыз өндірумен айналысқан компаниялар тобының жұмысын тоқтатты. Бұл туралы Qazaqyia.kz порталы Kursiv Media басылымына сілтеме жасап хабарлайды.
Тергеу мәліметтері бойынша, төрт фармацевтикалық компания көршілес мемлекеттерден, оның ішінде күшті әсер ететін препараттарды жеткізу схемасын ұйымдастырған. Содан кейін өнім ел аумағындағы дәріхана желісі арқылы сатылған.
Сонымен қатар, құқық қорғау органдары психотроптық заттарды қамтитын дәрі-дәрмектерді жасырын өндіру фактілерін анықтады. Жедел-іздестіру шаралары барысында қоймалар мен заңсыз өндірістік цех табылды.
«Контрафактілік өнім азаматтардың өмірі мен денсаулығына нақты қауіп төндірді, өйткені ол антисанитариялық жағдайда дайындалған. Мұндай препараттарды тұтыну адам үшін қайтымсыз салдарға әкелуі мүмкін», — деп хабарлады полиция.
Сондай-ақ, тергеу аясында фармацевтикалық бақылау департаментінің лауазымды тұлғалары ұсталды, олар тергеу нұсқасы бойынша ақшалай сыйақы үшін заңсыз қызметті ұйымдастырушыларға қамқорлық жасаған.
Олардың әрекеттері Қазақстан Қылмыстық кодексінің 366-бабы («Пара алу») бойынша сараланған. Істің өзге мән-жайлары анықталуда.