«Алматы Су» ГКП сумен жабдықтау жүйесін үшінші тарап компаниясына беру туралы ақпаратты жоққа шығарды. Бұл туралы Qazaqyia.kz порталы Kursiv Media басылымына сілтеме жасап хабарлайды.
Компанияның мәліметінше, жекелеген БАҚ пен әлеуметтік желілерде таралып жатқан Алматының су құбыры-канализация шаруашылығын үшінші тарап компаниясының басқаруына беру туралы ақпарат шындыққа сәйкес келмейді.
«Алматы Су» ГКП — мемлекеттік коммуналдық кәсіпорын және қаланың сумен жабдықтау және су бұру жүйелерінің операторы. Кәсіпорын өз функцияларын қалыпты режимде жалғастыруда. Алматының сумен жабдықтау және су бұру жүйесін басқаруды басқа компанияларға беру қарастырылмаған. Осылайша, қаланың су құбыры-канализация шаруашылығын үшінші тарап компаниясына беру туралы мәліметтер негізсіз», — делінген кәсіпорын хабарламасында.
Бұған дейін «Курсив» Қазақстанның су саласына инвестициялар 677 млрд теңгеге дейін өскенін жазған болатын.