Алматыда 2026 жылдың қаңтарынан қазанына дейін 26 мыңға жуық жүк көлігі жүргізушісі жол қозғалысы ережелерін бұзғаны үшін әкімшілік жауапкершілікке тартылды. Бұл туралы Qazaqyia.kz порталы Kursiv Media басылымына сілтеме жасап хабарлайды.
Полиция департаментінің мәліметінше, 222 жүргізушінің мемлекеттік нөмірі тәркіленіп, 86 көлік айыппұл тұрағына қойылды.
Қалада барлығы 48 958 жүк көлігі тіркелген. «Таза Қазақстан» бастамасы аясында полицейлер жүк көліктеріне бақылауды күшейтті. Олар құжаттарды, көліктердің техникалық жағдайын, мемлекеттік нөмірлерін және экологиялық нормалардың сақталуын тексереді.
«Техникалық ақаулар, шығарындылар нормаларынан асу және пайдалану ережелерін бұзу қала экологиясына тікелей әсер етеді», — деп түсіндірді Алматы қалалық әкімшілік полиция басқармасы бастығының орынбасары Дархан Қылышпаев.
Бұған дейін «Курсив Авто» басылымы қыркүйек айында Алматының бақылау бекеттерінде 6 833 автомобиль тексерілгенін жазған. Шығарындылар нормаларынан асу 922 көліктен анықталды — бұл тексерілгендердің шамамен әр жетіншісі. Отын жүйесін реттегеннен кейін 561 автомобиль қайта тексеруден өтті.