Алматы облысы Жамбыл ауданындағы Узынағаш ауылының шығысындағы қоқыс полигоны қайта тұтанды. Өрт оқшауланғанымен, сөндіруге бірнеше фактор кедергі келтіріп отыр. Бұл туралы Qazaqyia.kz порталы Kursiv Media басылымына сілтеме жасап хабарлайды.
Алматы облысы ТЖД баспасөз қызметінің мәліметінше, оқиға орнында жедел штаб жұмыс істеп жатыр. Қалдықтардың тереңдігі кейбір учаскелерде бес метрге жетеді, бұл сөндіруге кедергі келтіреді. Су жеткізіліп жатыр, сонымен қатар бульдозерлер қоқысты араластырып, инертті материалдармен көміп тастауда.
«Өрт 300 шаршы метр аумақта оқшауланды. Сөндіруге Алматы облысы ТЖД, әкімдік және ҚР ТЖМ 28237 әскери бөлімінің 10 адамы мен 7 техникасы жұмылдырылды», — деп атап өтті ТЖД-да.
Бұған дейін «Курсив» сол полигонда ауқымдырақ өрт шамамен бір апта бұрын, 11 қыркүйекте болғанын жазған. Ол кезде өрт 500 шаршы метр аумаққа тараған.
UPD. 19 қыркүйекте сағат 16:49-да өрттің сөндірілгені белгілі болды.