Алматы хайуанаттар бағында канадалық сілеусіндер пайда болды, деп хабарлады қала әкімдігі. Бұл туралы Qazaqyia.kz порталы Kursiv Media басылымына сілтеме жасап хабарлайды.
Хайуанаттар бағы халықаралық жануарлар алмасу бағдарламасы аясында жаңа тұрғындармен толықты. Сілеусіндер АҚШ-тан жеткізілді.
Міндетті карантин мен ветеринарлық бақылаудан кейін жануарлар сәтті бейімделді. Қазір оларды хайуанаттар бағына келушілер көре алады.
Еркегі үш жаста, ұрғашысы жеті жаста. Жануарларды «леопард шеңберіне» — ұсақ жыртқыштарға арналған вольерлер кешеніне орналастырды.
Канадалық сілеусіндер үшін баспанасы, кондиционер және тұмандатқыш жүйесі бар кең вольер жабдықталды.
Хайуанаттар бағы мамандары жаңа жұптың сәтті бейімделіп, болашақта ұрпақ беретініне үміттенеді. Әкімдікте бұл түрді сақтауға қосқан үлес болатынын атап өтті.
Бұған дейін «Курсив» Алматы хайуанаттар бағында бірнеше сирек жануарлардың төлдегені туралы хабарлаған еді — ақ қолды гиббондар мен мысық тұқымдас лемурлардың кішкентайлары дүниеге келді.