15 тамызда Қазақстанның үш қаласында қолайсыз метеорологиялық жағдайлар күтіледі. Бұл туралы Qazaqyia.kz порталы «Курсив» басылымына сілтеме жасап хабарлайды.
«Қазгидромет» мәліметінше, НМУ Алматы мен Атырауда, ал түнде Өскеменде болжанады.
Мамандардың түсіндіруінше, қолайсыз метеожағдайлар тымық ауа райы, әлсіз жел, тұман және температуралық инверсияның тіркесуі кезінде пайда болады. Нәтижесінде ластаушы заттар атмосфераның жерге жақын қабатында жиналып, ауа сапасының нашарлауына әкелуі мүмкін.
Синоптиктер мұндай кезеңдерде денсаулыққа теріс әсер ету қаупі артатынын, әсіресе созылмалы аурулары бар адамдар үшін қауіпті екенін ескертеді.
Ауаның ластану деңгейіне желдің жылдамдығы, жауын-шашын, ылғалдылық және ауа температурасы әсер етеді.
Тұрғындарға көшеде болу уақытын қысқарту, әсіресе автожолдар мен басқа да ластану көздерінің жанында болмау ұсынылады. Балалар мен жүкті әйелдерге ұзақ серуендерден бас тартуға кеңес беріледі.
Тыныс алу және жүрек-қан тамырлары аурулары бар адамдарға, сондай-ақ аллергиямен ауыратындарға қажетті дәрі-дәрмектерді өздерімен бірге алып жүру ұсынылады. Мамандар ашық ауадағы физикалық белсенділікті шектеуді және мүмкіндігінше сабақтарды жабық үй-жайларға ауыстыруды кеңес береді.
Бұған дейін «Курсив» 15 тамызда Қазақстанның көптеген аймақтарында дауылды ескерту жарияланғанын жазған болатын. «Қазгидромет» РМК мәліметінше, синоптиктер найзағай, бұршақ, қатты жел, шаңды дауыл және +43°С-қа дейін қатты ыстық болжап отыр.