26 тамызда Алматы және Қазақстанның тағы төрт қаласында қолайсыз метеорологиялық жағдайлар күтіледі, деп хабарлайды «Қазгидромет». Бұл туралы Qazaqyia.kz порталы Kursiv Media басылымына сілтеме жасап хабарлайды.
Синоптиктердің мәліметінше, НМУ Қарағанды, Жезқазған, Теміртау және Алматы қалаларында, ал түнде Астанада болжанады.
Мамандардың түсіндіруінше, қолайсыз метеорологиялық жағдайлар тымық ауа райы, әлсіз жел, тұман және температуралық инверсияның тіркесуі кезінде пайда болады. Нәтижесінде ластаушы заттар атмосфераның жерге жақын қабатында жиналады, бұл ауа сапасының нашарлауына әкелуі мүмкін.
Синоптиктер мұндай кезеңдерде денсаулыққа теріс әсер ету қаупі артатынын, әсіресе созылмалы аурулары бар адамдар үшін ескертеді.
Ауаның ластану деңгейіне желдің жылдамдығы, жауын-шашын, ылғалдылық және ауа температурасы әсер етеді.
Тұрғындарға көшеде, әсіресе автокөлік жолдарының және басқа да ластану көздерінің жанында болу уақытын қысқарту ұсынылады. Балалар мен жүкті әйелдерге ұзақ серуендерден бас тартуға кеңес беріледі.
Тыныс алу және жүрек-қан тамырлары жүйесі аурулары бар адамдарға, сондай-ақ аллергиямен ауыратындарға қажетті дәрі-дәрмектерді өздерімен бірге алып жүру ұсынылады. Сарапшылар ашық ауадағы физикалық белсенділікті шектеуге және мүмкіндігінше сабақтарды жабық үй-жайларға ауыстыруға кеңес береді.