Алматы әкімдігі Түрксіб ауданындағы Қайрат шағын ауданында жаңа қалалық саябақ салу үшін жалпы ауданы шамамен 6,7 гектар болатын бірнеше жер учаскесін мемлекет мұқтажы үшін сатып алады. Бұл туралы Qazaqyia.kz порталы Kursiv Media басылымына сілтеме жасап хабарлайды.
Қала әкімі жерді алып қою туралы тиісті қаулыға қол қойды. Жаңа жасыл аймақ Қайрат шағын ауданында пайда болады. Мәжбүрлеп иеліктен айыруға жататын объектілер тізіміне үш ірі учаске енді.
Қалалық билік сатып алу және аумақты босатудың барлық рәсімін 2027 жылдың 31 желтоқсанына дейін аяқтауды жоспарлап отыр.
Барлық жылжымайтын мүлік иелеріне жергілікті атқарушы орган өтемақы төлейді. Учаскелер, тұрғын үйлер және басқа да күрделі құрылыстар нарықтық құны бойынша бағаланады. Егер иесі ұсынылған бағамен келіспесе, өтемақының түпкілікті мөлшері сот тәртібімен анықталады.
Келіссөздер жүргізу және барлық заңды мәселелерді анықтау үшін иеліктен айырылатын мүлік иелері мына мекенжайға жүгіне алады: Алматы қ., Төле би көш., 155, 6-қабат, 602-кабинет.