Фото: видео скриншот
Қарағандыда қоғам назарын аударған Алика Мұхамадиева ісі бойынша сот тыңдалымы жалғасуда. Бүгін Қазыбек би ауданының прокуроры Фарида Сәдуова айыпталушыны кінәлі деп танып, оған 4 жыл 6 ай мерзімге бас бостандығынан айыру жазасын тағайындауды сұрады, деп хабарлайды qazaqyia.kz/ ақпарат агенттігі.
Прокурордың айтуынша, Мұхамадиева жасаған ісі ауыр санаттағы және қасақана жасалған қылмыс болып табылады.
«ҚР Қылмыстық кодексінің 11-бабына сәйкес, аталған іс ауыр санаттағы және қасақана жасалған қылмыстар қатарына жатады. Ол адамзат пен қоғам қауіпсіздігіне қарсы бағытталған құқықбұзушылық. ҚР Қылмыстық кодексінің 174-бабы бойынша ең жоғарғы жаза — 7 жылға дейін бас бостандығынан айыру көзделген.
«“Жоғарыда аталған мән-жайларды ескере отырып, 2002 жылдың 21 тамызында туған Мұхамадиева Алика кінәлі деп танылсын және оған 4 жыл 6 ай мерзімге бас бостандығынан айыру жазасы тағайындалсын. Жазаны қылмыстық-атқару жүйесінің орташа қауіпсіздік мекемесінде өтеу белгіленсін», – деді ол.»
—
Сонымен қатар прокурор айыпталушының 2023 жылы туған баласы бар екенін ескеріп, жазаны өтеуді кейінге қалдыруды ұсынды:
««Бас бостандығынан айыру жазасын өтеуді 4 жыл мерзімге кейінге қалдыру, бірақ оның кәмелетке толмаған баласы 14 жасқа толғанға дейін ғана мүмкіндік беру ұсынылады».»
—
Сот үкімі алдағы уақытта жарияланады.азақтар туралы даулы пікір айтқан