Алматыға Гамбургтегі өндіруші зауыттан тікелей жеткізілген ei-KDL борттық нөмірі бар жаңа Airbus A321neo ұшағы келді, деп хабарлады авиакомпания. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.
«Әуе кемесі Air Astana тобының флотында 64-ші болды және маршруттық желіні одан әрі дамыту және тасымалдау сыйымдылығын арттыру үшін авиакомпанияның паркін толықтырады», - делінген хабарламада.
Air Astana флоты көбінесе Airbus ұшақтарынан тұрады, бұл біріздендірудің, операциялық тиімділіктің және сенімділіктің жоғары деңгейін қамтамасыз етеді.
«Airbus A321neo жоғары отын тиімділігімен, жайлылығымен және қоршаған ортаға әсерінің төмендігімен ерекшеленетін қазіргі заманғы Airbus ұшақтарының тобына жатады. Жаңа ұшақ ішкі және халықаралық бағыттарда іске қосылады», – делінген хабарламада.