Астанадағы Abu Dhabi Plaza кешенінің шатырын американдық блогерлер көтерілді. Американдық инфлюенсер Caleb TikTok-та астанадағы күн батуын 311 метр биіктіктен көрсететін видео жариялады. Бұл туралы Qazaqyia.kz порталы Kursiv Media басылымына сілтеме жасап хабарлайды.
Abu Dhabi Plaza кешеніне сауда орталығы, кеңсе мұнаралары, пәтерлер және бес жұлдызды қонақ үй кіреді. Оның мұнараларының бірі 75 қабаттан тұрады — бұл Қазақстан мен Орталық Азиядағы ең биік ғимарат. Биіктігі шамамен 311 метр.
Жақында американдық блогер Caleb (TikTok-та шамамен 490 мың жазылушы) осы ғимараттың биіктігінен Астананың қалай көрінетінін көрсетті. Осыдан кейін қала тұрғындары кешенде көптен уәде етілген бақылау алаңы ашылды деп болжады. Алайда олай емес екені анықталды.
Осыдан кейін Abu Dhabi Plaza-ның ресми Instagram парақшасында @megaamerican деген атпен танымал саяхат блогері Джошуа Платильеро (Instagram-да 8 миллионнан астам жазылушы) түсірілген ролик пайда болды. Жігіт Орталық Азиядағы ең биік ғимаратқа көтерілу мүмкіндігі үшін алғыс айтып, көрініске тәнті болады.
Видеоға түсініктемелерде әкімшілік блогерлердің Астанадағы күн батуын ғимараттың шатырынан түсіргенін, бірақ қарапайым қала тұрғындары үшін кіруге «қауіпсіздік себептері бойынша» тыйым салынғанын түсіндірді.
«Блогерлер мен басқа да медиа өкілдерінің түсірілімдерін жүргізу үшін нысанға барудың арнайы тәртібі қарастырылған. Қолжетімділік мемлекеттік органдармен алдын ала келісу бойынша, астананың туристік тартымдылығын дамытуға бағытталған ұйымдастырылған сапарлар аясында беріледі», — деп түсіндірді әкімшілік.
Қала тұрғындары үшін болашақта кешенде бақылау аймақтарын ұйымдастыру жоспарлануда. Олардың қашан пайда болатыны нақтыланбады.
Бұған дейін Kursiv LifeStyle Джошуа Платильероның Алматы облысынан қандай кадрлармен бөліскені туралы айтқан болатын.