Бүгін, 6 тамызда, әлемде және Қазақстанда бірнеше мереке мен тарихи оқиғалар атап өтіледі. Бұл туралы Qazaqyia.kz порталы Sputnik Kazakhstan басылымына сілтеме жасап хабарлайды.

Әлемдегі мерекелер

Бүгін адамзат, әсіресе медицина қызметкерлері өте маңызды мереке – «Әлем дәрігерлері бейбітшілік үшін» халықаралық күнін атап өтеді. Бұл оқиға әлемдегі бейбітшілікті қалайтын барлық адамның басын біріктіреді. Адамдар басы ауырып, балтыры сыздаса ақ халатты абзал жандарға жүгінеді. Дәрігерлердің жауапкершілігі де мол, атқаратын жұмыстары да баршылық.

Бүгін Ямайка ұлттық мейрамы – Тәуелсіздік күнін тойлап жатыр. Мереке 1962 жылы Ұлыбританиядан тәуелсіздік алғанына бір жыл толу құрметіне бекітілген. Бұл күні елде бүкілхалықтық серуендер, мерекелік шаралар мен отшашу ұйымдастырылады.

Ямайканың жаңа тарихы 1498 жылы 5 мамырдан, Христофор Колумб өзінің екінші саяхаты кезінде оның жағасына аяқ басқан кезде басталды. Сол кезде Ямайкада (аборигендер оны «Хамайка» деп атаған) жүз мыңнан аса үндіс-аравак тұрған. Колумб Ямайканың атауын Сантьяго деп өзгертті. 1517 жылы бұл жерге Африкадан құлдар жеткізіле бастады – қант құрағын өсіру керек болатын. 1558 жылы Ямайка Ұлыбритания құрған Вест-Үнді (Кариб) федерациясының құрамына енді. Бірақ 1961 жылы Ямайка тұрғындары референдумда Федерация құрамынан шығуға дауыс берді. 1962 жылы 6 тамызда Ямайканың тәуелсіздігі жарияланды.

6 тамызда әлемде болған тарихи оқиғалар

  • 011806 жылы Рим империясы ресми түрде өмір сүруін тоқтатты. Император Франц II тақтан бас тартып, империя таратылды.
  • 021890 жылы қаскөй Уильям Кеммлер электрлі орындық арқылы өлім жазасына кесілген алғашқы адам болды.
  • 031889 жылы қолғапсыз соңғы бокс жекпе-жегі өткізілді.
  • 041866 жылы Ванкувер аралы Британ Колумбиясының құрамына енгізілді.
  • 051914 жылы Австрия-Венгрия Ресейге соғыс жариялады.
  • 061932 жылы бірінші Венециан кинофестивалі ашылды.
  • 071945 жылы АҚШ Хиросима қаласына тарихтағы алғашқы ядролық бомбаны тастады. Бұл Екінші дүниежүзілік соғыстың аяқталуына ықпал еткен маңызды оқиғалардың бірі болды.
  • 081962 жылы Ямайка Ұлыбританиядан тәуелсіздігін жариялады.
  • 091991 жылы алғашқы интернет-сервер пайда болып, ғаламтор парақтары үшін WWW (World Wide Web) стандарты бекітілді.
  • 102012 жылы Curiosity марсқа сәтті қонып, Қызыл ғаламшарды зерттеу миссиясын бастады.

6 тамызда Қазақстанда болған тарихи оқиғалар

  • 011969 жылы Қазақ КСР «Неке және отбасы туралы» кодексі бекітілді.
  • 021999 жылы Қазақстанда «Мемлекеттік қызмет туралы» және «Бұқаралық ақпарат құралдары туралы» заңдар қабылданды. Сондай-ақ осы күні «Қазақстан Республикасының Патент заңы» ресми түрде жарияланды.
  • 032003 жылы Жамбыл облысында фосфор саласының кеншілеріне арналған ескерткіш салтанатты түрде ашылды.
  • 042012 жылы Лондонда өткен ХХХ жазғы олимпиада ойындарында жеңіл атлетика жарысында қазақстандық спортшы Ольга Рыпакова алтын медаль жеңіп алды.
  • 052014 жылы Алтайдан археологиялық қазба жұмыстары кезінде шамамен VII ғасырда өмір сүрген 40 жастағы сарбаздың сүйегі табылды.

6 тамызда дүниеге келген танымал тұлғалар

  • 011809 жылы ағылшын ақыны Альфред Теннисон дүниеге келді.
  • 021817 жылы орыс ақыны, сатирик, сықақшы Петр Шумахер дүниеге келді.
  • 031881 жылы шотланд микробиологы, пенициллинді ашқан Нобель сыйлығының лауреаты Александр Флеминг дүниеге келді.
  • 041928 жылы америкалық суретші, продюсер, дизайнер, жазушы Энди Уорхол өмірге келді. «homo universale» идеологиясының негізін қалаушы.
  • 051947 жылы кеңестік хоккейші, екі дүркін Олимпиада чемпионы (1968, 1972), хоккей бапкері, телекомментатор Евгений Зимин туды. КСРО еңбек сіңірген спорт шебері (1968).
  • 061972 жылы британиялық әнші, «Spice Girls» тобының бұрынғы солисі Джери Холлиуэл дүниеге келді.

6 тамызда Қазақстанда кімдер туды

  • 011948 жылы кинотанушы, кино тарихшысы, кино сыншы, Қазақстанның еңбек сіңірген қайраткері Бауыржан Нөгербек дүниеге келді.
  • 021949 жылы кеңестік футболшы, қақпашы, Қазақ КСР еңбек сіңірген бапкері Құралбек Ордабаев туды.
  • 031970 жылы Шығыс Қазақстан облысының әкімі Нұрымбет Сақтағанов дүниеге келді.
  • 041975 жылы қазақстандық дипломат Абзал Сапарбекұлы өмірге келді.
  • 051984 жылы қазақстандық футболшы Мақсат Байжанов туды.