3 қарашада әлемде бірнеше мереке атап өтіледі. АҚШ-та бұл күн Ұлттық сэндвич күні ретінде белгілі. Бұл туралы Qazaqyia.kz порталы Sputnik Қазақстан басылымына сілтеме жасап хабарлайды.

Ұлттық сэндвич күні

Сэндвич тағамын 18-ші ғасырда граф Сэндвич ойлап тапқаны туралы аңыз бар. Ел аузындағы әңгімеге сенсек, граф құмар ойыншы болған, бірде карта ойынына берілгені соншалық, тамақ ішуді ұмытып кетеді. Қарны ашқан ол қолын былғамас үшін малайларына сиыр етін екі тілім нанның ортасына салып әкелуді бұйырады. Мұны көрген басқа ойыншылар да ерекше бутербродқа назарлары ауып, тапсырыс береді. Сол сәттен бастап мұндай тағам түрі бүкіл Англияға таралған деседі. Жаңа тағам графтың есімімен аталып, төрткүл дүниеге таралған. Америкалықтар, тіпті, сэндвичке жеке мейрам арнаған. Дәстүр бойынша бұл күні сэндвичті жылдам жеуден жарыстар ұйымдастырылады.

Жапонияда Мәдениет күні

Жапондар бүгін мәдениет күнін атап өтеді. Бұл мереке император Мейдзидің туған күнімен тұспа-тұс келеді. "Мейдзи күні" 1927 жылы бекітілген, алайда 1948 жылы "Ұлттық мерекелер туралы" заңмен Мәдениет күні деп өзгертіледі. Бұл күні Жапония халқы мен қонақтары музейлер мен галереяларға тегін кіріп, мәдени құндылықтарды тамашалай алады.

3 қарашада әлемде болған тарихи оқиғалар

  • 011493 жылы Христофор Колумб екінші экспедициясы кезінде Кариб теңізіндегі Доминика аралын ашты.
  • 021903 жылы Панама Колумбиядан бөлініп, тәуелсіздігін жариялады.
  • 031908 жылы Уильям Тафт АҚШ президенті болып сайланды.
  • 041911 жылы АҚШ-та Chevrolet автомобиль компаниясы құрылды.
  • 051936 жылы Франклин Делано Рузвельт АҚШ президенті болып екінші мерзімге қайта сайланды.
  • 061954 жылы Жапонияда алғаш рет "Годзилла" фильмі экранға шықты.
  • 071957 жылы Кеңес Одағы "Спутник-2" ғарыш аппаратын ұшырды. Оның бортында Жер орбитасына шыққан алғашқы тіршілік иесі Лайка атты ит болды.
  • 081973 жылы NASA "Mariner 10" ғарыш аппаратын ұшырды. Ол кейін Меркурий ғаламшарына жеткен алғашқы ғарыш аппараты болды.
  • 091978 жылы Доминика Ұлыбританиядан тәуелсіздігін жариялады.
  • 101992 жылы Билл Клинтон АҚШ президенті болып сайланып, елдің 42-президенті атанды.
  • 112014 жылы Нью-Йоркте 11 қыркүйек терактілерінен кейін салынған One World Trade Center зәулім ғимараты ресми түрде ашылды.

3 қарашада Қазақстанда болған тарихи оқиғалар

  • 011992 жылы Оңтүстік Қазақстан облысы Созақ ауданының қазақ орта мектебіне жазушы Асқар Сүлейменовтің есімі берілді.
  • 021994 жылы республикалық "Заң" апталық газеті жарық көрді.
  • 031998 жылы Алматы облысы Сарқан қаласының орталық көшесіне ғалым, қоғам қайраткері Ахмет Байтұрсыновтың есімі берілді.
  • 042010 жылы Екібастұз инженерлік-техникалық институты Ұлыбританияның Оксфорд қаласында өткен марапаттау рәсімінде "European Quality" халықаралық сыйлығына ие болды.
  • 052012 жылы Астана қаласында Монако Князьдігінің Қазақстандағы құрметті консулдығы ашылды. Салтанатты рәсімге Монако князі II Альбер қатысты.
  • 062014 жылы Қазақстан инженерлік-технологиялық университетінің мамандары iPhone және iPad құрылғыларына арналған қазақша пернетақта жасап шығарды. Ол Apple компаниясының iOS 8 операциялық жүйесіне бейімделді.
  • 072016 жылы Қостанай облысында ғарыштық суреттер арқылы ежелгі "Қостанай тетрагоны" геоглифі анықталды. Ғалымдардың болжамынша, ол шамамен 3 мың жыл бұрын қола дәуірінде жасалған.
  • 082019 жылы қазақстандық режиссер Әмір Байғазиннің "Өзен" ("Река") фильмі Мәскеуде өткен халықаралық кинофестивальде бас жүлдеге ие болды.
  • 092020 жылы Қазақстан мұсылмандары діни басқармасының қолдауымен "Халық арна" телеарнасы жұмысын бастады.
  • 102022 жылы Қарағанды облысындағы Ленин атындағы шахтада газдың кенеттен шығуы салдарынан апат болып, бес кенші қаза тапты.

3 қарашада әлемде туған танымал тұлғалар

  • 011604 жылы Осман империясының 16-сұлтаны Осман II дүниеге келді. 1618–1622 жылдары билік құрды.
  • 021801 жылы итальяндық композитор Винченцо Беллини дүниеге келді. "Норма" және "Сомнамбула" операларының авторы.
  • 031887 жылы орыс кеңес ақыны, драматург, аудармашы, әдебиет сыншысы, сценарийші Самуил Маршак дүниеге келді. Ленин сыйлығының және төрт мәрте Сталин сыйлығының лауреаты.
  • 041900 жылы неміс кәсіпкері, Adidas компаниясының негізін қалаушы Адольф Дасслер дүниеге келді.
  • 051926 жылы Литваның бұрынғы президенті Валдас Адамкус дүниеге келді. 1998–2003 және 2004–2009 жылдары мемлекет басшысы болды.
  • 061933 жылы үндістандық экономист және философ Амартия Сен дүниеге келді. 1998 жылы экономика саласындағы Нобель сыйлығын иеленді.
  • 071945 жылы неміс футболшысы Герд Мюллер дүниеге келді. 1974 жылғы әлем чемпионы, "Алтын доп" иегері (1970).
  • 081949 жылы кеңестік және ресейлік әнші, музыкант, ақын, сазгер Александр Градский дүниеге келді. Орыс рокының негізін қалағандардың бірі. Ресейдің халық әртісі (1999).
  • 091962 жылы америкалық кәсіпкер, Valve компаниясының негізін қалаушы Гейб Ньюэлл дүниеге келді. Steam цифрлық ойын платформасын жасаушылардың бірі.
  • 101982 жылы ресейлік мәнерлеп сырғанаушы Евгений Плющенко дүниеге келді. Екі дүркін Олимпиада чемпионы (2006, 2014).
  • 111995 жылы америкалық модель Кендалл Дженнер дүниеге келді. Әлемдік сән индустриясындағы танымал тұлғалардың бірі.

3 қарашада Қазақстанда кімдер туған

  • 011835 жылы қазақтың ұлы ғалымы, ағартушы, тарихшы, этнограф, саяхатшы әрі дипломат Шоқан Уәлиханов дүниеге келді.
  • 021893 жылы қазақтың мемлекет және қоғам қайраткері, дипломат, журналист, әдебиетші, аудармашы Нәзір Төреқұлов дүниеге келді.
  • 031910 жылы ақын, аудармашы Қасым Тоғызақов дүниеге келді.
  • 041949 жылы қазақстандық суретші, кескіндемеші Темірболат Жазыбаев дүниеге келді.
  • 051952 жылы қоғам қайраткері, Қазақстан Республикасы Парламенті Мәжілісінің бұрынғы депутаты Надежда Нестерова дүниеге келді.