Қазақстан Республикасы Оқу-ағарту министрлігі 2026–2027 оқу жылының басталу және аяқталу мерзімдерін, сондай-ақ мектеп каникулдары мен қорытынды аттестаттау күндерін анықтады. Бұл туралы Qazaqyia.kz порталы Kursiv Media басылымына сілтеме жасап хабарлайды.
Бекітілген кестеге сәйкес, оқу жылы 2026 жылғы 1 қыркүйекте басталып, 2027 жылғы 25 мамырда аяқталады.
Жаңа оқу жылында үш каникул кезеңі қарастырылған:
- 01Күзгі каникул: 2026 жылғы 2 қарашадан 8 қарашаға дейін (7 күн).
- 02Қысқы каникул: 2026 жылғы 28 желтоқсаннан 2027 жылғы 10 қаңтарға дейін (14 күн).
- 03Көктемгі каникул: 2027 жылғы 22 наурыздан 28 наурызға дейін (7 күн).
Бірінші сынып оқушылары үшін қосымша каникулдар қарастырылған — 2027 жылғы 8 ақпаннан 14 ақпанға дейін.
Министрлік оқу тоқсандарының ұзақтығын да еске салды:
- 01Бірінші тоқсан: 1 қыркүйектен 2 қарашаға дейін (8 апта).
- 02Екінші тоқсан: 9 қарашадан 28 желтоқсанға дейін (7 апта).
- 03Үшінші тоқсан: 11 қаңтардан 22 наурызға дейін (10 апта).
- 04Төртінші тоқсан: 29 наурыздан 25 мамырға дейін (8 апта).
9 (10) сынып оқушыларына арналған қорытынды аттестаттау 2027 жылғы 31 мамырдан 11 маусымға дейін өтеді.
11 (12) сынып оқушыларына арналған мемлекеттік бітіру емтихандары 2027 жылғы 1 маусымнан 17 маусымға дейін өтеді.
Оқу-ағарту министрлігі бұйрықпен әр пән бойынша бітіру емтихандарын өткізу кестесі бекітілгенін хабарлады. Толық ақпарат ведомствоның ресми ақпараттық ресурстарында жарияланған.
Бұған дейін «Курсив» Қырғызстанда 2026–2027 оқу жылының басталуы 1 қыркүйектен 15 қыркүйекке ауыстырылғаны туралы жазған болатын.