Фото: GTS
Бірінші несие бюросының дерегінше, биыл LRT құрылысына мемлекеттік бюджеттен 329,6 миллиард теңге жұмсалды, деп хабарлайды qazaqyia.kz/ ақпарат агенттігі.
11 айдың қорытындысы бойынша әуежайдан жаңа теміржол вокзалына дейінгі LRT учаскесінің құрылысына республикалық бюджеттен 329,6 миллиард теңге бөлінді. Бұл өткен жылмен салыстырғанда қаржыландырудың айтарлықтай артқанын көрсетеді:
2023 жылы – 52,4 миллиард теңге;
2024 жылы – 28,4 миллиард теңге.
Қаражат Ұлттық қордан мақсатты трансферттер түрінде берілді.
Сонымен қатар, LRT құрылысына жұмсалған шығындар республикалық бюджеттің көлік және коммуникациялар саласына арналған шығындарының дерлік үштен бір бөлігі болды.